جامعہ رشیدیہ مولانا نگر
علم و عمل کا روشن مینار
ایک عظیم علمی، دینی اور روحانی سفر کی داستان
ج جب افقِ ہند پر تاریکی کے بادل چھائے ہوئے تھے اور دینی علوم کے چراغ مدھم پڑ رہے تھے، ایسے میں حضرت شیخ الاسلام مولانا حسین احمد مدنیؒ کے ایماء و اشارے پر آپ کے برگزیدہ شاگرد، مصلحِ ملت حضرت مولانا محمد یار صاحبؒ نے 1952 میں جامعہ رشیدیہ مولانا نگر کی بنیاد رکھی۔ یہ ادارہ ایک ایسی علمی و روحانی تحریک کا نقطۂ آغاز بنا، جس نے تشنگانِ علم کو سیراب کرنے اور ملت کے نونہالوں کو دینی، اخلاقی اور روحانی تربیت سے آراستہ کرنے کا بیڑا اٹھایا۔
علم کی روشن درسگاہ
یہ صرف ایک تعلیمی درسگاہ نہیں، بلکہ ایک ایسی عظیم درسگاہ ہے جہاں قرآن و حدیث کی صدا گونجتی ہے، فقہ و تفسیر کے سوتے بہتے ہیں اور طلبہ کے سینے نورِ علم سے منور کیے جاتے ہیں۔
اخلاص اور تربیت
یہاں کے اساتذہ کا اخلاص، نظامِ تعلیم کی پختگی اور دینی ماحول کی روح پرور فضا وہ عناصر ہیں جنہوں نے اس جامعہ کو ملک کے مؤقر اداروں میں ممتاز مقام عطا کیا۔
علم، عمل اور اخلاص
جامعہ رشیدیہ کی تاریخ علم و عرفان کی اس روشنی کی عکاس ہے جو نسلوں کے دلوں اور اذہان کو منور کرنے کے لیے پھیلائی گئی۔
جامعہ کا روشن مشن
اسلامی اقدار کا فروغ، علم و عرفان کی روشنی کو عام کرنا، اور ملت کے نوجوانوں کو دینی، اخلاقی اور روحانی تربیت سے آراستہ کرنا۔
روشن مستقبل کی طرف
جامعہ رشیدیہ کی تاریخ درحقیقت ایک ایسی روایت کی عکاس ہے جو علم و عرفان کی روشنی کو عام کرنے، اسلامی اقدار کو فروغ دینے اور ملت کے نوجوانوں کو صالح قیادت فراہم کرنے کے جذبے سے لبریز ہے۔ آج بھی یہ علمی قافلہ اسی مشن پر گامزن ہے، اور اس کی روشن کرنیں مستقبل میں بھی قلوب و اذہان کو منور کرتی رہیں گی، ان شاء اللہ!
جامعہ رشیدیہ مولانا نگر
علم، تربیت اور روحانی ماحول کی خوبصورت جھلکیاں
جامعہ کے شعبہ جات
جامعہ رشیدیہ کے مختلف علمی، دینی اور تعلیمی شعبہ جات
شعبۂ عربی و فارسی
اس شعبہ میں لڑکوں کے لئے عربی اول سے لے کر عربی سوم تک دار العلوم دیوبند کے نصاب کے مطابق، اور لڑکیوں کے لئے امور خانہ داری کے ساتھ شعبۂ فارسی اور عربی اول سے لے کر مکمل عالمیت تک فنِ نحو، صرف، عربی ادب، فقہ، حدیث اور تفسیر کی تعلیم کا معقول نظم ہے۔
شعبۂ کلام پاک
اس شعبہ میں کلام پاک حفظ دورانیہ تین سال اور ناظرہ مع قواعد تجوید و تصحیح مخارج کے ساتھ تعلیم دی جاتی ہے۔
شعبۂ دینیات
اس شعبہ میں ضروریاتِ زندگی کے متعلق ضروری اور اہم دینی دروس کے ساتھ طلباء کو عملی مشق بھی کرائی جاتی ہے۔
شعبۂ پرائمری
اس شعبہ میں از اطفال تا فوقانیہ درجہ ۸ اردو، انگلش میڈیم کی تعلیم ماہر اساتذہ کی زیرِ نگرانی دی جاتی ہے، جو حکومت اتر پردیش سے منظور شدہ ہے۔
شعبۂ درسِ قرآن برائے عوام الناس
یہ شعبہ بہت ہی فعال اور اہمیت کا حامل ہے۔ جامعہ ہذا کی طرف سے ہفتہ میں ایک مرتبہ مختلف مقامات پر دروسِ قرآن اور نماز و دینیات کی تعلیم و ترغیب کے ساتھ وقت کے اہم اور سلگتے مسائل کی طرف توجہ حضرت مہتمم صاحب اور مدرسے کے دیگر اساتذہ کے ذریعے سے دی جاتی ہے۔
شعبۂ دار القضاء والافتاء
اس شعبہ میں لوگوں کے نزاعی معاملات قرآن و سنت کی روشنی میں حل کیے جاتے ہیں اور مستفتی کے استفتاء کا جواب بھی دیا جاتا ہے۔
شعبۂ بزم شیخ محمد یار
الحمد للہ اس شعبہ میں ہر ہفتہ اساتذہ کی زیرِ نگرانی طلباء کی مختلف بزم قائم ہوتی ہیں جس میں عزیز طلباء اردو تقاریر، قراءتِ قرآن کریم، اور نعت النبی صلی اللہ علیہ وسلم کی عملی مشق کرتے ہیں، جس کا مقصد صرف طلباء کی علمی و عملی صلاحیت کو پروان چڑھانا اور دین کا بہترین داعی بنانا ہے۔
جامعہ رشیدیہ کے ہاسٹل کی روح پرور فضا
ایک ایسا پرسکون ماحول جہاں طلبہ علمِ دین، تربیت اور اخلاق کے ساتھ اپنے مستقبل کی تعمیر کرتے ہیں۔
جامعہ کی علمی اور روحانی فضا میں پروان چڑھنے والے طلبہ کے لیے ہاسٹل کسی نعمت سے کم نہیں۔ یہاں 100 طلبہ رہائش پذیر ہیں، جو علمِ دین کے متلاشی ہیں اور قرآن و حدیث کی روشنی میں اپنی زندگی کو سنوار رہے ہیں۔
طلبہ کے لیے ہاسٹل
جامعہ رشیدیہ میں 100 طلبہ کے لیے رہائش کا باقاعدہ انتظام ہے، جہاں انہیں تعلیم و تربیت کے ساتھ پرسکون ماحول فراہم کیا جاتا ہے۔
جامعۃ الطیبات
لڑکیوں کے لیے جامعۃ الطیبات کے نام سے الگ ہاسٹل کا انتظام ہے، جہاں 60 طالبات پرامن ماحول میں دینی اور دنیاوی تعلیم حاصل کر رہی ہیں۔
✦ علمی و تعلیمی ماحول
ہاسٹل میں طلبہ کے آرام، مطالعے اور دیگر ضروریات کا خاص خیال رکھا جاتا ہے۔ ایک منظم نظام کے تحت طلبہ کی تعلیم و تربیت کی نگرانی کی جاتی ہے، تاکہ وہ اپنی زندگی کو ایک مثالی مسلمان کے طور پر گزار سکیں۔
✧ دینی و روحانی تربیت
ہاسٹل کا ماحول نہ صرف تعلیمی ترقی میں مددگار ہے بلکہ دینی تربیت اور اخلاقی اقدار کی آبیاری بھی کرتا ہے۔ یہاں طلبہ کے دلوں میں اللہ تعالیٰ اور اس کے رسول صلی اللہ علیہ وسلم کی محبت کو پروان چڑھایا جاتا ہے۔
یہ ہاسٹل ایک ایسی درسگاہ ہے جہاں علم کے چراغ جلتے ہیں، دلوں میں اللہ اور اس کے رسول صلی اللہ علیہ وسلم کی محبت جاگزیں کی جاتی ہے، اور ایک روشن مستقبل کی بنیاد رکھی جاتی ہے۔
جامعہ رشیدیہ — علم، عمل اور تربیت کا حسین امتزاججامعۃ الطیبات – علم و تربیت کا درخشاں مینار
علم، عمل، اخلاق اور روحانی تربیت کے حسین امتزاج کے ساتھ طالبات کے روشن مستقبل کی تعمیر
علم و آگہی کا سفر
جامعۃ الطیبات سن 1992 سے علم و تربیت کی شمع روشن کیے ہوئے ہے۔
اسلامی تعلیمات کی روشنی میں خواتین کی تعلیم و تربیت ایک اہم فریضہ ہے، کیونکہ ایک تعلیم یافتہ عورت ایک صالح معاشرے کی بنیاد رکھتی ہے۔ اسی مقصد کو پیش نظر رکھتے ہوئے جامعۃ الطیبات سن 1992 سے علم و آگہی کی شمع روشن کیے ہوئے ہے، جہاں طالبات کو دینی و اخلاقی تربیت کے ساتھ ساتھ روحانی بالیدگی اور علمی پختگی کا بہترین ماحول فراہم کیا جاتا ہے۔
دینی تعلیم
قرآن کریم، دینیات اور اسلامی علوم کی تعلیم کا مضبوط نظام۔
اخلاقی تربیت
علم کے ساتھ کردار، اخلاص اور اسلامی اخلاق کی تربیت۔
عالمیت
اسلامی علوم میں گہری بصیرت کے لیے عالمیت کے کورس کا اہتمام۔
01 قرآن و حدیث کا نور
یہ ادارہ صرف ایک مدرسہ نہیں، بلکہ ایک ایسا گلشن ہے جہاں علم کی خوشبو بکھرتی ہے، قلوب میں دین کی روشنی اترتی ہے، اور روحیں قرآن و حدیث کے نور سے منور ہوتی ہیں۔ یہاں کی طالبات قرآن کریم کو حفظ کرنے کی سعادت حاصل کرتی ہیں، دینیات کی بنیادی اور اعلیٰ تعلیم سے آراستہ ہوتی ہیں، اور عالمیت کے کورس کے ذریعے اسلامی علوم میں گہری بصیرت حاصل کرتی ہیں۔
02 علم، عمل اور اخلاص
جامعۃ الطیبات کا تعلیمی نظام اس نہج پر استوار ہے کہ یہاں علم، عمل اور اخلاص کا حسین امتزاج نظر آتا ہے۔ اساتذہ کا اندازِ تدریس محض روایتی تعلیم تک محدود نہیں، بلکہ اخلاقی اور روحانی تربیت کو بھی اتنی ہی اہمیت دی جاتی ہے۔
03 مثالی مسلمان خاتون
یہاں سے فارغ ہونے والی طالبات کا مقصد صرف عالمہ بننا نہیں، بلکہ ایک بہترین داعیہ، مربیہ اور مثالی مسلمان خاتون بننا بھی ہے، جو اپنے علم و کردار کے ذریعے معاشرے کی اصلاح اور دینی رہنمائی میں مؤثر کردار ادا کرے۔
04 عصرِ حاضر کے تقاضے
یہاں دینی تعلیم کے ساتھ ساتھ عصری تقاضوں کو بھی مدنظر رکھا جاتا ہے، تاکہ طالبات دورِ حاضر میں اسلامی اقدار کے ساتھ زندگی گزارنے کے قابل ہوں۔ یہی وجہ ہے کہ جامعۃ الطیبات کی فارغ التحصیل طالبات علمی، گھریلو اور معاشرتی اصلاح کے مختلف میدانوں میں اپنا کردار ادا کرتی ہیں۔
یہ علمی قافلہ گزشتہ تین دہائیوں سے جاری ہے، اور ان شاء اللہ تاقیامت جاری رہے گا؛ کیونکہ یہ وہ چراغ ہے جس کی روشنی کبھی مدھم نہیں ہوتی، بلکہ وقت کے ساتھ مزید تابندہ ہوتی چلی جاتی ہے۔
جامعۃ الطیبات — علم، تربیت اور روحانی ترقی کا حسین امتزاجرابطہ کیسے کریں؟
جامعہ رشیدیہ کے متعلق معلومات، تعلیمات اور دیگر امور کے لیے درج ذیل ذمہ داران سے رابطہ کریں۔
آن لائن عطیہ
جامعہ رشیدیہ کی تعمیر و ترقی میں اپنا حصہ ادا کریں
How to Contribute
جامعہ رشیدیہ کی تعمیر و ترقی میں اپنا حصہ ادا کریں
اللہ کی رضا کے لیے تعاون
Those who wish to participate in the completion and development of Jamia Rashidiya’s projects purely for the pleasure of Allah can send their donations, Zakat, and Sadaqat through the following methods:
01 — Through Authorized Representatives
You may hand over your contributions to the authorized representatives visiting your area and obtain a receipt.
02 — Direct Bank Transfer
You can also transfer funds directly to the
institution’s bank account.
If you choose to send your contribution through
the bank, please inform us at the provided
contact numbers after making the transfer.
Once the amount is received, a receipt will be
sent to you, InshaAllah.
📞 Contact Numbers
🏦 Bank Details for Online Transfer
WE’D LOVE TO DANCE WITH YOU
Phone: +91 9621830040
anjumansociety3@gmail.com
FOLLOW US
© 2020 810 Dance Floor Studio.
جامعہ رشیدیہ مولانا نگر اوگئی پور میں داخلہ کے اصول و ضوابط
١.قدیم طلبہ کا داخلہ ١٠ شوال سے ١٥ شوال تک اور جدید طلبہ کے داخلے ١٥ شوال سے ٢٩ شوال تک ہوتےہیں
٢.ایڈمیشن کے لیے درخواست فارم جامعہ رشیدیہ کے دفتر سے حاصل کیا جا سکتا ہے یا ویب سائٹ پر آن لائن درخواست جمع کرائی جا سکتی ہے۔
فارم مکمل طور پر درست معلومات کے ساتھ پر کر کے دفتر میں جمع کروانا ضروری ہے۔
٣. عمر کی حد:
ہر شعبہ میں داخلے کے لیے مخصوص عمر کی حد مقرر ہے۔
ابتدائی پرائمری میں داخلہ کے لیے عمر کی حد 5 سال اور زیادہ سے زیادہ 8 سال تجویز ہے۔
عالمیت کے درجات میں داخلہ کے لیے 13 سال عمر کی حد ہے۔
٤. تعلیمی اہلیت:
پرائمری کلاسز میں داخلہ کے لیے مطلوبہ کلاس سے پہلے کا درجہ پاس ہونا ضروری ہے۔
عالمیت کے درجات میں داخلے کے لیے حفظ قرآن کی تکمیل یا کم ازکم آٹھویں جماعت کا پاس ہونا ضروری ہے۔
حفظ قرآن کے لیے درخواست گزار کا ناظرہ قرآن تصحیح مخارج کے ساتھ پڑھنا ضروری ہے،
٥. ضروری دستاویز:
درخواست فارم کے ساتھ آدھار کارڈ، والدین کا آدھار کارڈ، پاسپورٹ سائز فوٹوز، اور پچھلے تعلیمی ریکارڈ کی نقل جمع کرنا ضروری ہے۔
٦. فیس کا نظام:
ہر شعبے کے لیے فیس کا تعین کیا گیا ہے، جو طلبہ کو داخلہ حاصل کرنے کے بعد ادا کرنا ہوگا۔
فیس کی تفصیل ناظم تعلیمات سے حاصل کی جا سکتی ہے۔
٧. خصوصی رعایت:
یتیم اور غریب طلبہ کے لیے خصوصی رعایت کا اہتمام ہے۔
٨. دیگر ضوابط:
نظم و ضبط کی پابندی ضروری ہے۔
ادارے کے قوانین کی خلاف ورزی کرنے والے طلبہ کے خلاف مناسب کارروائی ہوگی۔
کسی بھی طالب علم کے لئے ادارہ چھوڑنے سے پہلے انتطامیہ سے اجازت لینا ضروری ہوگا۔
٩. داخلے کا حتمی فیصلہ:
داخلے کا حتمی فیصلہ جامعہ رشیدیہ کی انتظامیہ کرے گی
Phone: +91 9621830040
anjumansociety3@gmail.com